Жүктіліктің 23-аптасы
Болашақ ананың қал-жағдайы
Ұрық өсуін жалғастыратындықтан, жатыр созылады да, осы мерзімде футбол добының өлшеміне жетіп қалады. 23-аптада қосымша жайсыз сезімдер пайда болуы мүмкін. Жатыр асқазан мен көкетті басып тұратындықтан, әйелде қыжыл пайда болуы мүмкін, сондықтан тамақтануына қатты көңіл бөлу қажет. Әйелдің жалпы ахуалы айтарлықтай жақсы болса да, асқазанда жайсыздық сезімін тудырмас үшін тамақты қатты тойып жемеу қажет.
Ана өзінің бос уақытына көп көңіл бөлуі қажет. Белсенділік кезеңдерін тынығумен алмастырып отыру қажет. Егер әйел күндіз бірнеше сағат бойы демалып, өзіне ұнайтын музыканы тыңдап, кітап оқыса немесе жай ғана ұйықтаса пайдалы болады. Алайда, денеге біраз болса да жүктеме беруді де ұмытпау қажет: бассейнге барып, таза ауада серуендеп, жүкті әйелдерге арналған арнайы жаттығулар жасаған пайдалы.
Анасының ішіндегі сәбиге жағымды эмоциялар алған өте пайдалы. Сондықтан жүкті әйел өз өмірін барынша жақсы оқиғаларға толтырып, жаңа әсерлер алып, өмірдің әр сәтін рақаттанып өткізуге тырысуы қажет.
Баланың дамуы
23-аптада баланың, әсіресе, тыныс алу жүйесі белсенді дамиды. Баланың өкпесінде альвеолалар қалыптаса бастайды. Кейін олар нәрестенің алғаш рет тыныс алуы кезінде өкпе қапшықтарының жабысып қалуына жол бермейтін ерекше затты, сурфактантты шығаратын болады. Егер баланың өкпесінде бұл заттек жеткіліксіз болса, бала туғаннан кейін бірден тыныс алудың жеткіліксіздігінен зардап шегетін болады. Алайда, жүктіліктің аяғына дейін сәби заттектің қажетті көлемін толық жинауға қабілетті болады.
Жиырма үшінші аптадағы ұрықтың ерекше жетістігі – өмірлік маңызы бар рефлекстердің толық қалыптасқандығы. Сәби жұтуды, соруды, ішіп-жеуді үйренді, сондай-ақ тыныс алуға ұқсайтын алғашқы қимылдарды жасайды. Бала белсенді қозғалып, қуықты босатады. Бұл процесс шамамен тәулігіне он рет болады, ал баланың зәрі қағанақ суын толтырып отырады.
Осы аптада сәбидің ішегінен меконий, алғашқы нәжіс шыға бастауы мүмкін. Бірақ бұл ас қорыту жолының қалыптасуы аяқталды дегенді білдірмейді. Керісінше, бұл процесс сәбидің дұрыс дамымағанын білдіреді, өйткені нормаға сай меконий туғаннан кейін ғана бөлінуі тиіс. Егер меконий суға түсетін болса, онда ол сәби денсаулығын қатты зақымдауы мүмкін.
23-аптаның аяғына қарай қағанақ суының қажетті көлемі толық жиналады. Анасы сәбидің қозғалысын бұрынғыдан да көбірек сезетін болады, өйткені оған жатырда енді орын аз, ол көбірек тебініп, аз аунай бастайды. Бірақ 23-аптада ол жатырда жатқына қалпын айтарлықтай жиі ауыстырып тұрады.
Осы мерзімде сәбидің бойы 29 см, ал жалпы салмағы 520 г құрайды.
УДЗ жасау
Егер алдыңғы апталарда жоспарлы УДЗ жасалмаса, онда оны 23-аптада жасайды. Дәл осы мерзімде болашақ ата-ана сәбиінің жынысын біле алады. Егер бала қажетті жағымен бұрылатын болса, УДЗ жасаушы дәрігер баланың жынысын дәл анықтай алады.
Алайда, ата-ананың баласымен кезекті кездесуі қаншалықты қуанышты болса да, УДЗ жасаудың негізгі мақсаты ұрықтың даму патологиясының бар-жоғын анықтау болып табылады. Білікті дәрігер ұрықтың өлшемдерін өлшеп, оның жүктіліктің мерзіміне сәйкестігін анықтайды. Бұған қоса, дәрігер ұрықтың жүрек қағысын тыңдап, ұрықтың қозғалу белсенділігін бағалайды.
Әсіресе сәбидің ішкі мүшелерін тексеру аса маңызды, өйткені тек осындай әдіспен ғана бала денесінің дамуындағы ауытқулар жоқтығын анықтауға болады. Сондай-ақ дәрігер қандай да бір хромосомалық бұзылыстардың бар-жоғын тексереді.
Анасына да көңіл бөлінеді. УДЗ барысында жатырдың күйін тексереді, плацентаның орналасқан орнын және күйін, сондай-ақ қағанақ суының сапасы мен көлемін анықтайды. Кейде дәрігер плацентаның өте төмен орналасқанын анықтауы мүмкін. Бұл жағдайда әбіржудің қажеті жоқ, өйткені жүктіліктің соңына дейін әлі біраз уақыт бар, сол себепті көп жағдайда жатырдың өсуі плацентаны одан жоғары деңгейге көтеруге септігін тигізеді.
Балаңыздың дүниеге келуіне дейінгі 40 апта сізді таң қалдыратын барлық қызықты, физикалық өзгерістерге және үлкен күн жақындаған сайын өсетін күту сезіміне толы.
-
-
-
0+ мөлшері (2 - 4кг)
Көбірек білу
