Жүктіліктің 1-аптасы
Болашақ ананың сезімі қандай?
Көп жағдайда бірінші аптада әйел жүкті екенін тіпті сезбейді, өйткені мерзім әлі де болса кішкентай, әйтсе де, дене жүктілікке барынша дайындалады.
Болашақ ананың ағзасында келесі өзгерістер болады:
Орталық жүйке жүйесі гормоналдық жағдайды белсенді түрде өзгерте бастайды.
Ішкі және сыртқы өзгерістер әлі жүріп жатқан жоқ, өйткені ұрықтанған аналық жасуша бекітіліп қалу үшін жатырға барар жолда. Жол бойы аналық жасуша белсенді түрде бөлінеді.
Жасуша өлшемі жағынан тез үлкейіп, бірінші аптаның соңына қарай өлшемі бойынша үлкен бұршаққа ұқсайды. Осы кезеңде-ақ ұлғайған жасушаны эмбрион деп атайды.
Бірінші аптаның соңында ұрықтанған аналық жасуша жатыр қабырғасына бекітіледі. Алайда, дәл осы бірінші апта түсік тастау ықтималдылығы жағынан ең қатерлі деп саналады. Бұл ананың ағзасы эмбрионды бөгде дене ретінде танып, оны қабылдамау себебінен болады, әсіресе, егер әйелдің иммунитеті сау болса. Қуанышқа орай, біздің ағзамыз айтарлықтай күрделі, сондықтан, жүктілік жағдайында иммунитеттің осыған ұқсас жағымсыз әсерлерін басуға қабілетті.
Эмбрион жатыр қабырғасына бекітілген кезде ол болашақ ананың денсаулық жағдайына және тамақтануына толық тәуелді болады.
Әйелдің ағзасындағы гормондық өзгерістер жалғаса береді. Плацентада прогестерон гормоны белсенді түрде түзіле бастайды, ол эмбрион қалыпты бекітіліп, дами алатындай жатырдың мерзімнен бұрын жиырылуына жол бермейді.
Прогестеронның түзілуі ерте мерзімде жүктіліктің бар-жоғын анықтауға мүмкіндік береді, тіпті егер кейінгі етеккірге дейін уақыт бар болса да. Бұны дәріханада сатып алынған кәдімгі тесттің көмегімен оңай жасауға болады.
Құрсақтағы сәбидің жағдайы мен түрі
Төменде беретін ұсыныстарымызды бүкіл жүктілік кезінде міндетті түрде сақтау қажет, дегенмен, бірінші триместрде, құрсақтағы сәбидің барлық ағзасы мен жүйесі қалыптасқан кезде олар әсіресе маңызды.
Бірінші аптада нақты айтқанда эмбрион әлі жоқ. Құрсақтағы ұрық жетілген аналық жасуша сияқты көрінеді. Құрсақтағы эмбрионның екінші бөлігі аталық ұрықтың көмегімен қалыптасады, бірақ бұл тура ұрықтандыру сәтінен кейін әлдеқайда кешірек болады.
Сақтық шаралары
Егер жүктілік жоспарланған болса, әйел құрсақтағы сәбиіне деген өз жауапкершілігін сезінуі тиіс. Ағзада болып жатқан барлық өзгерістерді мұқият қадағалап, кез келген ауытқулар болғанда бірден дәрігерге хабарласу қажет. Ұрықтандыру күндерінде бөліндіге: оның құрылымына, түсіне, иісіне көңіл бөлу аса маңызды. Ең дұрысы, жүктілікті жоспарлаудың бүкіл кезеңінде әйел кез келген асқынуға жол бермеу үшін гинекологқа тұрақты қаралуы тиіс.
Балаңыздың дүниеге келуіне дейінгі 40 апта сізді таң қалдыратын барлық қызықты, физикалық өзгерістерге және үлкен күн жақындаған сайын өсетін күту сезіміне толы.
-
-
-
0+ мөлшері (2 - 4кг)
Көбірек білу
